Баянзүрх дүүргийн 28 хорооны ИНХ-ын дарга нарын ээлжит хуралдаан боллоо. Энэ удаагийн хурлаар Баянзүрх дүүрэгт Орон нутгийн хөгжлийн сангийн хөрөнгөөр 2014 онд хийгдсэн болон 2015 онд хэрэгжих ажлын талаар хэлэлцлээ. Дэд бүтэц, хот төлөвлөлт хариуцсан Засаг даргын орлогч Т.Батцогт энэ тухай мэдээллийг өгч, энэ онд хэрэгжих ажлын зураг төслийг бэлэн болгох хэрэгтэйг ИНХ-ын дарга нарт анхаарууллаа. Мөн иргэдийн нийтийн хурлын дарга нарын ажиллах нөхцөл боломжоо сайжруулах тал дээр гаргасан саналыг хүлээн авч дэмжихээ ИТХ-ын ажлын албаны дарга Ч.Мэндсайхан хэлсэн юм.