Дэлхийн цусны донорын өдрийг тохиолдуулан Баянзүрх дүүрэг "Авлагагүй донор"-ын арга хэмжээг 2 дахь жилдээ зохион байгуулж байна. Баянзүрх дүүргийн хэмжээнд "Бүгдээрээ бэлэглэж бусдыгаа аваръя"  донорын өдөрлөгийг 2015 оны 06 дугаар сарын 15-ны 10-аас 16 цагийн хооронд дүүргийн Хуралдааны танхимд хийх тул Та сайн дурын цус бэлэглэх өдөрлөгт нэгдээрэй.
Энэхүү өдөрлөг нь донорын үйлсийг иргэдийн дунд сурталчилж, тогтмол хугацаанд цусаа бэлэглэгч доноруудыг алдаршуулах, сайн дурын авлагагүй цусны донорын эгнээг нэмэгдүүлэх, түүний ач холбогдлыг төрийн албан хаагчдад таниулах зорилготой.
Цусны донорын өдөрлөгт Дүүргийн Засаг даргын Тамгын газар, Засаг даргын дэргэдэх харъяа хэлтэс, албад болон хороодын албан хаагчид бүрэн хамрагдаж, хорооны иргэд, хүндэт донорууд идэвхитэй оролцоно уу.