Баянзүрх дүүргийн Иргэдийн Төлөөлөгчдийн Хурлаас жил санаачлан жил бүр уламжлал болгон зохиогддог  “Математик стандарт-2015” бодлогын уралдааны дүн гарч, аваргуудаа шалгарууллаа. Энэ жил 4-12 дугаар ангийн 838 сурагч бодлогын уралдаанд оролцож, мэдлэг чадвараа сорьсон байна. Тэдгээр сурагчдын шагналыг ИТХ-ын дарга Ц.Батхүү, ИТХ-ын төлөөлөгч, Засаг даргын зөвлөх Ш.Батхишиг, ИТХ-ын төлөөлөгч, Засаг даргын орлогч С.Гантулга, Төлөөлөгч Г.Эрхэмбаяр, Ш.Ганчимэг нар гардуулан өгсөн юм.  4-р ангийнхны дунд явагдсан уралдаанд 92-р сургуулийн сурагч Н.Өсөхбаяр алтан медаль, 92-р сургуулийн сурагч Т.Хурах-Эрдэнэ мөнгөн медаль, 97-р сургуулийн сурагч А.Хансүлд хүрэл медаль, 5-р ангийн сурагчдаас 111-р сургуулийн сурагч Н.Золжаргал алт, “Шавь” цогцолборын сурагч Б.Анужин мөнгө, 33-р сургуулийн сурагч Билгүүнтамир хүрэл, 6-р ангийн сурагчдаас “Амгалан” цогцолбор сургуулийн сурагч Мэнд-Амар алт, 84-р сургуулийн сурагч А.Саруул мөнгө, 33-р сургуулийн Анар хүрэл, 7-р ангийн сурагчдаас 84-р сургуулийн сурагч Есүйжин алт, 97-р сургуулийн сурагч М.Өлзийхишиг мөнгө, “Тэмүжин-Өрлөг” сургуулийн сурагч Т.Пүрэвдорж хүрэл медалийг тус тус хүртлээ. Ахлах ангийнхан буюу 8 дугаар ангийн сурагчдаас 48-р сургуулийн сурагч Б.Дөлгөөнхараа алт, 53-р сургуулийн сурагч Б.Мөнх-Эрдэнэ мөнгө, 84-р сургуулийн сурагч Ц.Балжинням хүрэл медаль, 9-р ангийн сурагчдаас 84-р сургуулийн сурагч Эрдэнээ алт, 21-р сургуулийн сурагч Ц.Номин-Эрдэнэ мөнгө, “Баянзүрх” цогцолборын сурагч Болорхишиг хүрэл, 10-р ангийн сурагчдаас 44-р сургуулийн сурагч С.Номуунаа алт, У.Ичинхорлоо мөнгө, О.Номуундарь хүрэл, 11-р сурагчдаас 14-р сургуулийн сурагч У.Хажидсүрэн алт, 33-р сургуулийн сурагч Ану мөнгө, 14-р сургуулийн сурагч Э.Ариунзаяа хүрэл медаль хүртсэн бол 12-р ангийн сурагчдаас 21-р сургуулийн сурагч Д.Бат-Орших алтан медаль, 33-р сургуулийн сурагч Б.Батчингис мөнгөн медаль, 33-р сургуулийн сурагч Б.Мөнх-Оргил нар хүрэл медаль хүртсэн амжилтыг үзүүллээ. Багш нарын дунд явагдсан тэмцээний бага ангийн багш нарын төрөлд 85-р сургуулийн багш О.Баярмаа алтан медаль, 14-р сургуулийн багш Д.Бямбасан мөнгөн медаль, 97-р сургуулийн багш К.Баярмаа хүрэл медаль хүртлээ. Дунд ангийн багш нарын төрөлд 16-р сургуулийн багш Болорчулуун алт, 1-р сургуулийн багш Баянгол мөнгөн медаль, 15-р сургуулийн багш Н.Баясгалан нар тус тус хүрэл медалийн эзэд болсон юм. “Математик стандарт” бодлогын тэмцээн оролцогчдын тоо болоод чанарын хувьд ахиж байгааг зохион байгуулагчид онцоллоо.