Монгол Улсын ерөнхийлөгч сар шинийн баярыг тохиолдуулан Монголынхоо нийт өндөр настнууд буюу 100-с дээш настнуудад гарын бэлгээ дайдаг уламжлалтай. Дүүргийн Иргэдийн Төлөөлөгчдийн Хурлын дарга Ц.Батхүү өнөөдөр 7 дугаар хорооны иргэн 103 настай Т.Цэрэндулам гуайнд, ИТХ-ын Тэргүүлэгчдийн нарийн бичгийн дарга Ч.Мэндсайхан 20-р хорооны иргэн 102 настай Б.Цэгмид гуайнд тус тус очиж төрийн тэргүүний бэлгийг өөрийн сэтгэлийн ерөөлтэй хамт гардуулан өглөө. Монгол Улсын хэмжээнд 120 гаруй 100-аас дээш насны буурай аж төрж байгаа бөгөөд Баянзүрх дүүрэгт 7 нь энх тунх амьдарч байна.