Улаанбаатар хотын ерөнхий менежер бөгөөд Захирагчийн Ажлын албаны дарга Б.Бадрал Баянзүрх дүүргийн ИТХ-ын Төлөөлөгчидтэй ажлын уулзалт хийж, Нийслэлийн засаг даргаас 2014 онд хийсэн ажил, 2015 онд хийх ажлын талаар ярилцлаа. Уулзалтанд НЗАА-ны Захиргаа, санхүүгийн хэлтсийн дарга Э.Энхцэцэг, НЗАА-ны үйл ажиллагаа мониторингийн хэлтсийн дарга Н.Батсүх, НЗАА-ны Тохижилт, хог хаягдлын удирдлагын хэлтсийн дарга Т.Батбаяр, НЗАА-ны инженерийн байгууламжийн хэлтсийн дарга Б.Энхбаяр, НЗАА-ны хүнс, худалдаа үйлчилгээний хэлтсийн дарга О.Нарантуяа нар оролцсон юм. Тус ажил хэрэгч уулзалтаар Нийслэлийн Захирагчийн Ажлын албанаас дүүрэг, хорооны бүтцэд өөрчлөлт оруулах саналаа танилцуулж, дүүргийн ИТХ-ын Төлөөлөгчдийн саналыг сонссон юм. Нийслэл хотыг хөгжүүлэхэд “Хороодод эрх мэдлийг олгох нь зөв ” гэдэгтэй Нийслэлийн удирдлагууд болон дүүргийн төлөөлөгчид санал нэгтэй байлаа. Ингэснээр дүүргийн хороод асуудлаа өөрсдөө шийддэг болж, хөрөнгө мөнгө хүлээж, хугацаа алддаг явдал арилах талаар санал бодлоо чөлөөтэй илэрхийлсэн юм.