Баянзүрх дүүргийн ИТХ-аас 28 хорооны ИНХ-ын дарга нараа чадавхижуулах зорилгоор бусад дүүргийн ИТХ болон ИНХ-ын байгууллагатай харилцан туршлага солилцох ажлыг зохион байгуулдаг. Энэ удаа дүүргийн 28 хорооны ИНХ-ын дарга, Хуулийн хэлстийн дарга Г.Энхтайван, мэргэжилтэн О.Билгүүн нар ХУД-ийн ИТХ болон 2, 3, 14 дүгээр хороодод зочилж, тэргүүн туршлага, Нутгийн өөрөө удирдах байгууллагуудын хоорондын уялдаа, холбоог хэрхэн сайжруулах талаар санал солилцлоо. ХУД-ийн ИТХ-ын дарга Д.Батбилэг, Ажлын албаны дарга Б.Хандсүрэн, ИНХ-ын дарга нарын зөвлөлийн дарга О.Батхуяг нар хүлээн авсан юм. ХУД-ийн ИНХ-ын дарга нар дотроо өөрсдийн зөвлөлийн даргыг сонгосон бөгөөд ИНХ-ын дарга нар нь дүүргийнхээ Гэмт хэргээс урьдчилан сэргийлэх ажлыг зохицуулах салбар зөвлөлийн ажилд оролцдог байна. Тэдний тэргүүн туршлагыг дүүрэгтээ хэрэгжүүлэхээр 2 дугаар хорооны ИНХ-ын дарга О.Мэндсайхан сонгогдлоо.