Энэ жилийн намрын бүх нийтээр мод тарих өдрийг тэмдэглэж, дүүргийн Төлөөлөгчид мод тарьлаа. Баянзүрх дүүргийн 14 дүгээр хорооны нутаг дэвсгэрт байрлах Ахмадын хорооллын дундах талбайг ногооруулахаар Төлөөлөгчид, Хурлын ажлын алба, Цагдаагийн 2 дугаар хэлтсийн албан хаагчид болон тус хороололтой хаяа дэрлэн байрладаг Дэчинравжайлан хийдийн лам хуврагууд хамтдаа ажиллалаа. Ахмадын хорооллын дунд 88 мод тарьсан бөгөөд ирэх хавар гэхэд иргэдийн сэтгэлийг баясгасан сайхан төгөл бий болох нь. Тиймээс төлөөлөгчид тарьсан моддыг нь байнга усалж, арчилж байхыг тус хорооллын СӨХ-ийн даргад захьсан юм.